ನೀ ಕೊಟ್ಟ ಹಸ್ತಾಕ್ಷರ..

ನನ್ನ ಹೃದಯದ ಮೇಲೆ ನೀ ಮಾಡಿದ ಪ್ರೀತಿಯ ಅಕ್ಷರ,
ನಾ ಅಳಿಯದಂತೆ ಉಳಿಸಿದೆ ನನ್ನೊಳಗೆ ಅದರ ಹಸಿರ,
ನನ್ನ ಪ್ರತಿ ಮಿಡಿತವು ಪ್ರತಿಧ್ವನಿಸಿದೆ ನಿನ್ನ ಹೆಸರ,
ಅದಾಗಿದೆ ಈಗ ನನ್ನೆದೆಯ ಸ್ವರ,
ತಿಳಿಯದಂತೆ ಇದಾಯ್ತು ಗೆಳತಿ ನೀ ನನಗೆ ಕೊಟ್ಟ ಹಸ್ತಾಕ್ಷರ..

ಚಂಚಲಗೊಂಡಿದೆ ಮನ!!

ಏಕೋ ಮನವು ಇಂದು ಚಂಚಲಗೊಂಡಿದೆ
ಬರೆಯಲು ಏನನೋ ಕಾತರಗೊಂಡಿದೆ

ಮರೆಯಲು ಯತ್ನಿಸುತ್ತಿರುವೆ ನಿನ್ನಯ ನೆನಪ
ಅದಕೆಂದೆ ಮಾಡಿಕೊಂಡೆ ದೇವನಲ್ಲಿ ಬಗೆ ಬಗೆಯ ಬಿನ್ನಪ

ನೆನಪಿನಂಗಳದಿ ಕಾಣುತಿಹುದು ನಿನ್ನ ಕಿರುನಗೆ
ತಿಳಿಸೆಯಾ ನೀ ಅದ ಮರೆಯುವ ಬಗೆ

ಚೂರಾಯಿತು ನಾ ಕಟ್ಟಿದ ಕನಸಿನ ಗೋಪುರ
ಆದ ಕ್ಷಣ ನೀ ನನ್ನಿಂದ ದೂರ

ಅನಿಸಿತು ನನಗೆ ಇದೆಂತಹ ವಿಪರ್ಯಾಸ
ಹೀಗೂ ಮಾಡುವುದು ವಿಧಿಯು ಬಾಳಲಿ ಪರಿಹಾಸ

ಕಲಿತೆ ಇದರಿಂದ ಒಂದು ಅಮೂಲ್ಯ ಪಾಠ
ಬದುಕಿನಲ್ಲಿ ಆಡಬೇಕು ಎಚ್ಚರಿಕೆಯ ಆಟ

ಇದೇ ಬಾಳಿನ ಸಾಮರಸ್ಯ!

ಪರಿಸರ ಸೆರೆ ಹಿಡಿದ ಕ್ಷಣ!!

ತಿಳಿಸೆಯ ಗೆಳತಿ ಇದರ ಅರ್ಥ!!!

ನಿನ್ನ ಕಣ್ಣುಗಳು ಬಾನಲ್ಲಿ ಹೊಳೆಯುವ ನಕ್ಷತ್ರ,
ನಿನ್ನ ಕಂಡ ದಿನವೇ ಬಿಡಿಸಿದೆ ಮನದ ಪರದೆಯ ಮೇಲೆ ನಿನ್ನ ಚಿತ್ರ,
ಅಂದಿನಿಂದ ರಾತ್ರಿಯಲಿ ಬರುವ ಕನಸುಗಳು ವಿಚಿತ್ರ,
ತಿಳಿಸೆಯ ಗೆಳತಿ ಇದರ ಅರ್ಥ ಬಂದು ನೀ ಹತ್ತಿರ !!!!